Rossiyaga qarshi sanksiyalarda smartfon ishlab chiqaruvchilari zarar ko‘radi
Apple, Samsung, Xiaomi kabi brendlar kamida 10 milliard dollar yutqazadi.
GS Group tahlilchilari Rossiyaga qarshi sanksiyalardan yirik smartfon ishlab chiqaruvchilari qancha zarar ko‘rishini hisoblab chiqdi.
Maʼlum qilinishicha, Apple, Samsung, Xiaomi va Realme kabi yirik smartfon ishlab chiqaruvchilari sanksiyalar tufayli 10 milliard dollar yo‘qotadi.
Eskpertlar fikricha, eng ko‘p Apple zarar ko‘radi. Ammo ular yashirin yetkazmalar va ishlatilgan texnika savdosi hisobiga brendning Rossiya bozoridan butunlay yo‘qolmasligini aytishmoqda.
GS Group prognoziga ko‘ra, Rossiyaga qarshi sanksiyalar bo‘lmasa ham smartfon yetkazib berish darajasi tushardi. Bu aholining xarid qobiliyati tushishi bilan bog‘liq.
Avvalroq AQSHning tashqi savdo bo‘yicha milliy kengashi Jo Bayden administratsiyasiga murojaat qilib, Rossiyaga qarshi sanksiya eʼlon qilishda biznes manfaatlarini ham inobatga olishni so‘ragandi.
Sharofat Mahmudova
