Kiyevda Zelenskiy bilan Makronning uchrashuvi bo'lib o'tdi

 

Ukraina poytaxti Kiyevdagi Mariinskiy saroyida prezident Vladimir Zelenskiy va Fransiya rahbari Emmanuel Makron o‘rtasida muzokaralar bo'lib o'tdi. 

 

"Biz Fransiya prezidenti bilan Ukraina va dunyo uchun xavfsizlik muammolari bo‘yicha umumiy fikrga egamiz. Fransiya mintaqamiz va butun Yevropa Ittifoqi uchun muhim ahamiyatga ega. Bu davlatimizni qo‘llab-quvvatlashda kuchli qadamdir. Fransiya Ukrainaga yordam uchun 1,2 milliard yevro makromoliyaviy mablag‘ ajratadi.”, - dedi Zelenskiy.

 

Prezident Makron Ukraina uchun ko‘p ish qilishini ta’kidladi.

 

“Tinchlik jarayoni bugungi muzokaralarimizning asosiy masalalaridan biri boʻldi. Umid qilamizki, yaqin kelajakda, 2019-yil dekabr oyida boʻlib oʻtgan Parij sammitida erishilgan kelishuvlarga muvofiq, biz yetakchilarning navbatdagi muzokaralarini oʻtkazishimiz mumkin. Birgina uchrashuv juda muvaffaqiyatli boʻldi, yaqin kunlarda ikkinchi uchrashuv boʻlishini intiqlik bilan kutamiz. 2022-yilda bo‘lgan va Berlindagi bo‘lajak muzokaralar bizni Normandiya sammitiga yaqinlashtiradi”, dedi Zelenskiy.

 

O‘z navbatida, Makron Fransiya va Germaniya “Ukraina mojarosiga chek qo‘yish” bo‘yicha vositachilik harakatlariga sodiq ekanini aytdi. Uning aytishicha, Rossiya prezidenti Vladimir Putin “Minsk kelishuvlarini amalga oshirishda davom etadi”.

 

Fransiya prezidenti tafsilotlarga to‘xtalmadi, biroq “hozirda Ukraina chegaralarida ko‘rsatilayotgan bosimdan qat’iy nazar jarayon oldinga siljishi kerak”, dedi.

 

Makron kelgusi oyda tatbiq etilishi uchun ba'zi yangi xavfsizlik mexanizmlari tayyorlanayotganini aytdi.

 

Eslatib o'tamiz, bundan avval Emmanuel Makron Moskvada prezident Vladimr Putin bilan uchrashgan edi.