0
Vodiy gaz ta’minotida uzilishlar bo‘lishi haqidagi xabarlar rad etildi
Energetika vazirligiga ko‘ra, ta’mirlash ishlari oldidan iste’molchilar ogohlantiriladi.
Ijtimoiy tarmoqlarda Farg‘ona vodiysida ta’mirlash ishlari olib borilishi sababli tabiiy gaz ta’minotida uzilishlar bo‘lishi haqida xabarlar tarqaldi. Bu bo‘yicha Energetika vazirligi munosabat bildirib, tarqalgan ma’lumotlar asossiz ekanini ma’lum qildi.
Bayonotda aytilishicha, hozirda Namangan, Farg‘ona va Andijon viloyatlariga tabiiy gaz yetkazib beruvchi gaz quvurlarida yoki boshqa ob’yektlarda ta’mirlash ishlari rejalashtirilmagan.
“Ta’mirlash ishlari amalga oshirilishidan avval iste’molchilar oldindan qo‘shimcha xabardor qilinadi”, – deyiladi rasmiy bayonotda
