Hafta boshida respublika bo’ylab qor yog’ishi kutilmoqda
Shuningdek, ayrim hududlarda kuchli shamol esib, chang-to’zon ko’tarilishi mumkin.
O’zgidromet 13-fevral kuni soat 20.00 dan 14-fevral 20.00 gacha bo’lgan ob-havo prognozini e’lon qildi.
Unga ko’ra, Toshkent shahrida havo o‘zgarib turadi, vaqti-vaqti bilan yog‘ingarchilik (qor, yomg’ir) bo‘ladi. Harorat kechasi 0-2 daraja iliq va kunduzi 2-4 daraja iliq bo‘ladi.
Qoraqalpog‘iston Respublikasi va Xorazm viloyatining ba‘zi joylarida qor yog’adi. Ba‘zi joylarga tuman tushishi mumkin. G‘arbiy shamol yo‘nalishini o‘zgartirib, sharqdan 7-12 m/s tezlikda esadi, ba’zi joylarda 17-22 m/s gacha kuchayadi, Qoraqalpog’istonda 25-28 m/sgacha kuchayishi mumkin. Harorat kechasi 2-7 daraja sovuq, kunduzi 2 daraja sovuq, 3 daraja iliq; Ustyurtda kechasi va kunduzi 2-7 daraja sovuq bo‘ladi.
Buxoro va Navoiy viloyatlarining ba‘zi joylarida yog‘ingarchilik (qor, yomg’ir) bo‘ladi, tuman tushishi mumkin. Shamol g’arbdan 7-12 m/s tezlikda esadi, ba‘zi joylarda 17-22 m/s gacha, ayrim tumanlarida chang-toʻzon, Navoiy viloyatida 25-28 m/s gacha kuchayishi mumkin. Harorat kechasi 2 daraja sovuq, 3 daraja iliq, kunduzi 1–6 daraja iliq; cho‘l hududlarda kechasi va kunduzi 0-5 daraja sovuq bo‘ladi.
Toshkent, Samarqand, Jizzax, Sirdaryo viloyatlarining ba‘zi joylarida yog‘ingarchilik (qor, yomg’ir) bo‘ladi, tuman tushishi mumkin. Harorat kechasi 2 daraja sovuq, 3 daraja iliq, kunduzi 2–7 daraja iliq bo‘ladi.
Qashqadaryo va Surxondaryo viloyatlarining ba‘zi joylarida yog‘ingarchilik (qor, yomg’ir) bo‘ladi, tuman tushishi mumkin. Shamol g’arbdan 7-12 m/s tezlikda esadi, ba‘zi joylarda 17-22 m/s gacha, ayrim tumanlarida chang-toʻzon, Surxondaryo viloyatida 25-28 m/s gacha kuchayishi mumkin. Harorat kechasi 0-5 daraja iliq, ba‘zi joylarda 2 daraja sovuqgacha, kunduzi 6-11 daraja iliq bo‘ladi.
Andijon, Namangan va Farg‘ona viloyatlarining ba‘zi joylarida yog‘ingarchilik (qor, yomg’ir) bo‘ladi, tuman tushishi mumkin. Shamol g’arbdan 7-12 m/s tezlikda esadi, ba‘zi joylarda 17-22 m/s gacha, ayrim tumanlarida chang-toʻzon, Farg‘ona viloyatida 25-28 m/s gacha kuchayishi mumkin. Harorat kechasi 2 daraja sovuq, 3 daraja iliq, kunduzi 2-7 daraja iliq bo‘ladi.
Respublikaning tog‘li hududlarida qor yog‘adi, ba‘zi joylarda kuchli bo’ladi. Qor ko‘chishi xavfi bor. Ba‘zi joylarga tuman tushadi. Shamol g’arbdan 7-12 m/s tezlikda esadi, ba‘zi joylarda 17-22 m/s gacha kuchayadi. Harorat kechasi 3-8 daraja sovuq, kunduzi 0-5 daraja sovuq bo‘ladi.
