Texnika universitetida erkak o‘zini beshinchi qavatdan tashlamoqchi bo‘ldi
U maoshini ololmagani sabab o‘z noroziligini shu tarzda namoyish etishga uringan.
Bugun, 15-fevral kuni Islom Karimov nomidagi Toshkent davlat texnika universitetida erkak o‘zini beshinchi qavatdan tashlashga urindi.
Ma’lum qilinishicha, u mazkur oliy ta’lim maskanidagi qurilishda mehnat qilgan yollanma ishchi bo’lgan va maoshini vaqtida ololmagani uchun o‘z noroziligini shu tarzda namoyish etishga uringan.
Hodisadan xabar topgan Olmazor tuman IIB FMB boshlig‘i Mahkam Vafoyev voqea joyiga borib, erkak bilan muzokaralar o‘tkazgan va uni pastga tushishiga yordamlashgan.
