Komil Allamjonov Ortiqxo‘jayevning kamchiligini aytdi
Shuningdek, u hokim bilan o‘rtalaridagi munosabatga yana bir bor to‘xtalib o‘tgan.
Bugun Instagram sahifasida Toshkent shahar hokimi Jahongir Ortiqxo‘jayevning jamoatchilikka murojaati bayon qilingan ochiq xat e’lon qilindi. Unda Ortiqxo‘jayev Milliy mass-mediani qo‘llab-quvvatlash va rivojlantirish jamoatchilik kengashi raisi Komil Allamjonov bilan o‘rtalarida hech qanday sovuqchilik yo‘qligini aytib o‘tgan. Shuningdek, hokim ijtimoiy tarqmoqlarda aytilayotgan turli xil gaplarga ishonmaslikka chaqirgan.
Komil Allamjonov ham bu murojaatga o‘z munosabatini bildirib, hokim bilan 8 yildan beri tanish ekanliklarini ma'lum qilgan. Shuningdek, u hokimning atrofida bo‘layotgan tushunmovchiliklar sababini aytgan.
“Tan olib aytamanki, hokim tadbirkorlikni, katta loyihalarni, qurilishlarni yaxshi eplaydi va ancha ishlar qilyapti. Lekin bitta muammo ko‘pincha unga xalaqit beradi. Bu ham bo‘lsa — uning gapga yo‘qligi. Shu tufayli ham ko‘plab tushunmovchiliklar yuzaga keladi. Asosiysi ish ketyapti” , – degan Allamjonov.
