1-martdan boshlab ochiq havoda niqob taqish tartibi bekor qilinadi
Bu bo’yicha Respublika maxsus komissiyasi qarori e’lon qilindi.
Respublika maxsus komissiyasining navbatdagi yig‘ilishida mamlakatimizda koronavirus infeksiyasi bilan kasallanish holatlari kamayayotgani bois avval joriy etilgan muayyan cheklovlarni olib tashlash masalalari ko‘rib chiqilib, joriy yilning 1-martidan boshlab fuqarolarning ochiq havoda niqob taqmasligiga ruxsat berildi.
Shuningdek, epidemik vaziyatdan kelib chiqqan holda fuqarolarning ijtimoiy masofasini ta’minlash qiyin bo‘lgan joylarda:
– jamoat transportida,
– yirik savdo do‘konlarida,
– ta’lim muassasalarida,
– davlat va nodavlat idoralarida,
– masjidlar, teatr, kinoteatr, muzey, san’at saroylari, maishiy xizmat ko‘rsatish muassasalari va boshqa odamlar gavjum joylarda niqob taqish tavsiya etilgan.
Sog‘liqni saqlash muassasalarida tibbiyot xodimlarining, ular koronavirus bilan kasallanganlar bilan aloqada bo‘lishidan qat’i nazar, niqob taqishi talabi saqlab qolinadi.
