Lavozimidan ozod etilgan sudyalar shaxsi birinchi marta ochiqlandi

 

Sudyalar oliy kengashi raisining matbuot kotibi Tursunali Akbarovning ma’lum qilishicha, so‘nggi 40 kun ichida jami 48 nafar sudya intizomiy javobgarlikka tortilgan. Shuningdek, 14 nafar sudya vazifasidan ozod etilgan. Ularning 5 nafari o‘z xohishiga ko‘ra, 9 nafari odil sudlovni va sudyalik qasamyodini buzgani uchun ishdan olingan.

 

 

Sudyalar Oliy kengashi rasmiy sahifasida e’lon qilingan ma’lumotlarga ko’ra,  joriy yil 7-yanvar kuni faoliyatida mas’uliyatsizlikka va protsessual qonun normalari buzilishiga yo‘l qo‘ygani uchun quyidagi shaxslar intizomiy jazoga tortilgan:

– Oliy sud sudyasi Faxriddin Xalilov;
– Oliy sud sudyasi Sanobar Mamadaliyeva;
– Farg‘ona viloyat sudi raisining o‘rinbosari – fuqarolik ishlari bo‘yicha sudlov hay’ati raisi Oybek Hasanov;
– Toshkent viloyat sudi raisining o‘rinbosari – jinoyat ishlari bo‘yicha sudlov hay’ati raisi Umidjon Rasulberdiyev;
– Farg‘ona viloyati fuqarolik ishlari bo‘yicha Farg‘ona tumanlararo sudining raisi Ulug‘bek Oripov.

 

 

14-15-fevral kunlari mas’uliyatsizligi uchun quyidagi sudyalar javobgarlikka tortilgan:

– Xorazm viloyati jinoyat ishlari bo‘yicha Xonqa tuman sudining raisi M. Hasanova;
– Navoiy viloyati fuqarolik ishlari bo‘yicha Karmana tumanlararo sudining raisi Sh.Togoyev.

 

 

Bundan tashqari, 19-fevralda O‘zbekiston Respublikasi Sudyalar oliy kengashi qarori bilan: 

– Toshkent viloyati jinoyat ishlari bo‘yicha Zangiota tuman sudining raisi O‘ktam Xoliqov;
– Toshkent viloyat sudining fuqarolik ishlari bo‘yicha sudyasi Xilola Begaliyeva;
– Andijon viloyati jinoyat ishlari bo‘yicha Qo‘rg‘ontepa tuman sudining raisi Isoqboy Ergashev;
– Buxoro viloyati Buxoro tumanlararo ma’muriy sudining sudyasi Ma’ruf Saidovlar o‘z arizalariga ko‘ra, lavozimlaridan ozod etilib, vakolatlari muddatidan ilgari tugatilgan.