Rossiya Minskda Ukraina bilan muzokara o'tkazishga tayyor
Rossiya rahbari Ukraina rasmiylari bilan muzokara jarayonining “yuqori darajada” o‘tishidan manfaatdor.
Rossiya prezidenti Vladimir Putin Xitoy rahbari Si Szinpin bilan muzokaralar chog‘ida Moskva Kiyev bilan yuqori darajadagi muzokaralardan manfaatdor ekanini aytdi.
Avvalroq Ukraina prezidenti Vladimir Zelenskiy videomurojaatida rossiyalik hamkasbini muzokaralar o‘tkazishga taklif qilgan edi.
Putinning matbuot kotibi Dmitriy Peskov Ukraina rahbarining chaqirig‘ini “tahlil qilinishi kerak bo‘lgan ijobiy tomonga harakat” deb atadi.
O‘z navbatida, Rossiya tashqi ishlar vaziri Sergey Lavrov Moskva Ukraina Qurolli kuchlari qurolini tashlagan har qanday vaqtda muzokaralarga tayyor ekanligini ta’kidladi.
Eslatib oʻtamiz, 24-fevral kuni Rossiya Federatsiyasi prezidenti Donbassda maxsus operatsiya boshlanganini maʼlum qilgandi.
Avvalroq AQSH prezidenti Jozef Bayden Amerika Ukrainaha qo'shin jo'natmasligini maʼlum qilgandi.
