Janob Putin, iste'foga chiqing, aks holda, sizga “sovg‘a” tayyorlab qo'yganmiz – Anonymous
Хakerlar guruhi Rossiya Prezidentiga shart qo'ydi.
Anonymous xakerlar guruhi Rossiya Prezidentiga yo‘llangan shaxsiy murojaatni e'lon qildi. Ular Putinning zudlik bilan iste’foga chiqishini talab qilib, prezident uchun “maxsus operatsiya” tayyorlaganliklarini aytishmoqda.
"2018-yilda bizning guruhimiz "Roskomnadzor" veb-sayti qanday buzib kirganini eslaysizmi? Janob Putin, Afg‘onistonga qanday mag‘lub bo‘lganingizni eslaysizmi? Endi biz Rossiya Mudofaa vazirligi ma’lumotlarini oshkor qilamiz. Pochta va parollar bor. Sizning Finlyandiya va Shvetsiyaga tahdid qilishga urinishlaringiz sharmandalik. Siz bu mamlakatlar NATOga qo'shilsa, ularga tahdid qilasiz. Bugun biz Federal monopoliyaga qarshi xizmat, Kreml, "Russia Today" va boshqa veb-saytlarni o'chirib tashladik”, - degan anonim xabarda.
Bundan tashqari, xakerlar ko'p yillar davomida yashirib kelingan narsalarni ma'lum qilishlari haqida xabar berishdi. Anonymous bu ma'lumot Putin va uning "buzuq qo'g'irchoqlari" uchun qattiq zarba bo'lishini va'da qilgan.
"Endi biz Ukraina xalqining huquqlarini tiklashni talab qilamiz, iste’foga chiqing”, deyiladi videoda.
Avvalroq Ukraina bosh vaziri Mixail Federovning Rossiya bosqinidan xalos bo‘lish uchun Ilon Maskdan yordam so‘ragani e’lon qilingan edi.
