Donetskda bir kunda 19 kishi hujumlar qurboni bo'ldi
Shuningdek, 73 nafar tinch aholi yaralangan, ular orasida bolalar ham bor.
26-fevral holatiga ko'ra, Ukrainaning Donetsk viloyatida Rossiya qo‘shinlarining o‘qqa tutishi natijasida 19 nafar tinch aholi halok bo‘ldi. Bu haqda Facebook’da viloyat harbiy-fuqarolik ma’muriyati rahbari Pavel Kirilenko ma’lum qildi. Shuningdek, 73 kishi yaralangan.
Ma'lumotlarga ko‘ra, Volnovaxada – 15 kishi halok bo‘lgan, 5 nafar yarador (1 bola), Sartanda – 4 nafar halok bo‘lgan, 9 nafar yarador (1 bola), Mariupolda – 58 nafar, Sopinoda – 3 nafar, Yujniyda – 1 nafar yaralangan fuqarolar bor.
Bundan tashqari, Donetsk viloyatida bir kunda 30 ta uy vayron bo‘lgan.
Avvalroq tez yordam mashinasi hujumga uchragani xabar qilingan edi. Shifokorlar undagi bemorga dalada yordam berishga majbur bo'lishdi.
