Gʻarb davlatlari Rossiyaning asosiy banklarini SWIFT tizimidan uzishga qaror qildi
Bu yo‘l orqali Rossiyaning eksport va importi amalda “bloklanishi” aytilmoqda.
AQSH, Kanada, Buyuk Britaniya va Yevropa Ittifoqi davlatlari bir qator Rossiya banklarini SWIFT’dan o‘chirish niyatida – Germaniya hukumatiga ko‘ra, gap sanksiyalar ostidagi barcha Rossiya banklari haqida bormoqda, biroq ularga boshqalar ham qo‘shilishi mumkin.
Yevropa Komissiyasining fikricha, bir qator banklarning SWIFT’dan uzilishi “Rossiya eksport va importini amalda bloklaydi”.
Rossiya bankining oltin-valyuta zaxiralaridan rublni qo‘llab-quvvatlash uchun foydalanishiga yo‘l qo‘ymaslik uchun unga qarshi sanksiyalar qo‘llashga qaror qilindi – Gʻarb davlatlarining fikricha, bu ularning boshqa sanksiyalari samaradorligiga putur yetkazadi.
Oq uyning ta’kidlashicha, Rossiya Bankiga qarshi sanksiyalar rejimi hali ham ishlab chiqilmoqda – ular o‘tkazishga ruxsat etilgan ineksiyalarga ham, uning aktivlariga ham ta’sir qilishi mumkin, maqsad valyuta intervensiyalarini imkonsiz qilishdir.
Gʻarb davlatlari, shuningdek, “rus oligarxlari”ning Gʻarb bozorlarida o‘z moliyaviy aktivlaridan foydalanishiga yo‘l qo‘ymaslik, jumladan, fuqarolik (“oltin pasportlar”) sotilishini cheklashga qaror qilish niyatida.
Buyuk Britaniya Tashqi ishlar vazirligi allaqachon sanksiyalangan shaxslarning mol-mulkini musodara qilishga imkon beruvchi reja ishlab chiqilayotganini aytdi, tegishli qonun loyihasi kelasi haftada qabul qilinishi kutilmoqda.
