Kiyev Rossiya bilan muzokara o’tkazishga rozi bo’ldi
Ukraina delegatsiyasi Gomeldagi muzokaralar uchun yo’lga chiqqan.
Rossiya delegatsiyasi rahbari, Rossiya Prezidentining yordamchisi Vladimir Medinskiyning ma’lum qilishicha, Kiyev Gomeldagi muzokaralarga tayyorligini tasdiqlagan. Uning so‘zlariga ko‘ra, Rossiya delegatsiyasi a’zolari muzokaralar uchun Minskdan Gomelga jo‘nab ketishmoqda.
“Biz ketmoqchi edik, lekin biz Ukraina tomonidan muzokaralar tasdiqlangani haqida ma’lumot oldik”, degan Medinskiy.
Avvalroq Medinskiy Rossiya tomoni Ukraina delegatsiyasining Gomeldagi muzokaralarda bo‘lishi va u yerga borishi vaqtida xavfsizligini kafolatlaganini ma’lum qilgandi.
