Rossiyaning yadro qurolini shay holatga ketirish qarori urush avj olishini anglatadi – AQSh
Putin yadro qurolini ishga tushirish bilan tahdid qilmoqda.
AQShning BMTdagi elchisi Linda Tomas-Grinfild Vladimir Putinning yadro qurolini o‘z ichiga olgan to‘xtatuvchi kuchlarini shay holatga keltirish haqidagi buyrug‘ini qabul qilib bo‘lmas, deb atadi.
“Bu shuni anglatadiki, prezident Putin bu urushni mutlaqo qabul qilib bo‘lmaydigan tarzda avj oldirishda davom etmoqda va biz uning harakatlarini eng kuchli tarzda to‘xtatishda davom etishimiz kerak”, degan u.
Eslatib o‘tamiz, 27-fevral kuni Putin chegara qo‘shinlarini maxsus jangovar navbatchilik rejimiga o‘tkazishni buyurgan edi. U bu qarorini NATO davlatlari rasmiylarining bayonotlari bilan izohlagan.
“G‘arb davlatlari iqtisodiy sohada mamlakatimizga qarshi nafaqat nodo‘stona harakatlar qilishmoqda, balki NATOga a’zo yetakchi davlatlarning yuqori martabali amaldorlari ham bizga qarshi tajovuzkor bayonotlar bilan chiqmoqda”, — degan Putin.
27-fevralga o‘tar kechasi Yevrokomissiya rahbarlari: Fransiya, Germaniya, Italiya, Buyuk Britaniya, Kanada va AQSh kuchli yangi iqtisodiy sanksiyalar to‘plamini e’lon qilishdi. Ular Rossiyaning ayrim banklarini SWIFT to‘lov tizimidan o‘chirish va taqiqlashni o'z ichiga oladi.
