Ukraina va Rossiya delegatsiyalari muzokaralardan so'ng maslahatlashuv uchun poytaxtlariga qaytishmoqda
Tez orada muzokaralarning keyingi raundi boshlanadi.
Ukraina va Rossiya o‘rtasida Rossiya qo‘shinlarining hujumi boshlanganidan beri ilk diplomatik muzokaralar o‘tkazildi.
Vladimir Zelenskiy va Aleksandr Lukashenko o‘rtasidagi kelishuvga ko‘ra, muzokaralar Belarus-Ukraina chegarasida, Pripyat daryosi hududida bo‘lib o‘tgan. Tomonlar muzokaralarning birinchi raundini o'tkazdilar, uning asosiy maqsadi Ukraina hududida o't ochishni to'xtatish va harbiy harakatlarni muhokama qilish edi. Yig'ilishda bir qator ustuvor mavzular belgilab olindi. Uchrashuv hech qanday shartlarsiz o'tgan.
"Rossiya delegatsiyasi bilan muzokaralar qiyin kechdi, "lekin hech qanday majburiy ultimatumlarsiz. Rossiya tomoni, afsuski, haligacha oʻzi boshlagan buzgʻunchi jarayonga oʻta noxolis qaramoqda”, - deydi prezident devoni rahbari maslahatchisi Mixail Podolyak.
Uning aytishicha, tomonlar muayyan qarorlarni belgilab olishgan va maslahatlashuvlar uchun poytaxtlariga qaytishmoqda.
