3 ming amerikalik Ukraina uchun jang qilishga tayyor
Ko‘ngillilar Ukrainaga borib xalqaro batalon safiga qo‘shilish niyatida.
Uch ming amerikalik ko‘ngilli Ukrainaga kelib, Rossiya hujumiga qarshi xalqaro batalon safiga qo‘shilishga tayyor. Bu haqda Amerika Ovozi ma'lum qildi.
“Ukrainaning Rossiya kuchlariga qarshi turishda yordam beradigan xalqaro batalyonga qoʻshilish haqidagi chaqirigʻiga 3 ming amerikalik koʻngilli javob berdi. Ular oʻz xohishlari bilan jang qilushga tayyorliklarini bildirdi”, deyiladi xabarda.
Ta’kidlanishicha, amerikalik ko‘ngillilar orasida 20 yillik tajribaga ega faxriylar ham bor.
Avval xabar berilganidek, 27-fevral kuni prezident Vladimir Zelenskiy yangi bo‘linma – Ukraina hududiy mudofaa xalqaro legioni tuzilgani haqida ma’lum qildi. Unga Rossiya agressiyasini qaytarishda ishtirok etishni xohlovchi xorijliklardan olinadi.
Keyinroq Zelenskiy 16 ming xorijlik ko‘ngillilardan birinchi bo'limi allaqachon Ukrainaga jo‘natilganini aytdi.
