Eng yomoni hali oldinda, Rossiya butun Ukraina ustidan nazoratni qo‘lga olmoqchi – Makron
Fransiya Prezidenti Putin bilan telefon orqali muloqot qildi.
Rossiya prezidenti Vladimir Putin fransiyalik hamkasbi Emmanuel Makron bilan telefon orqali muloqot qildi. Bu haqda “Gazeta.ru” nashri yozmoqda.
Kreml rahbarining so‘zlariga ko‘ra, Rossiya qo‘shinlari Ukraina xavfsizlik bo‘linmasi va shaxsiy tarkibi bilan birgalikda Zaporojye atom elektr stansiyasining normal rejimda ishlashini ta’minlashda davom etmoqda. Rossiya Federatsiyasi Qurolli Kuchlari Chernobil AESni ham nazorat qiladi.
Putinning taʼkidlashicha, Kiyev Mariupol va Volnovaxa gumanitar yoʻlaklari boʻyicha erishilgan kelishuvlarni haligacha bajarmayapti. U, shuningdek, Moskva videokonferensiya formatida yoki uchinchi davlatda uchrashuv o‘tkazishga qarshi emasligini aytgan.
Putinning qoʻshimcha qilishicha, Rossiya Federatsiyasi bilan muloqotni davom ettirish uchun Kiyev barcha “Rossiyaga maʼlum boʻlgan talablarni” bajarishi shart.
Eslatib oʻtamiz, avvalroq Putin Makronga Kiyevga raketa hujumlari haqidagi maʼlumotlar yolgʻon ekanini aytgandi.
Makronning so‘zlariga ko‘ra esa eng yomoni hali oldinda, Putin butun Ukraina ustidan nazoratni o‘z qo‘liga olmoqchi.
