Bayden Ukraina uchun ko‘p narsa qila oladi – Zelenskiy
Kiyev rahbari G‘arb davlatlarini Ukrainada urush to‘xtamasligidan ogohlantirdi.
Prezident Vladimir Zelenskiyning fikricha, AQSh prezidenti Jo Bayden Rossiya bilan urushda Ukraina uchun ko‘proq narsani qila oladi. Bu haqda u ABC News telekanaliga bergan intervyusida aytdi.
“Ishonchim komilki, Bayden ko‘p narsa qila oladi va men bunga ishonishni istardim. U bunga qodir”, – dedi Zelenskiy.
U yana bir bor Ukraina havo hududi xavfsizligini taʼminlash zarurligini taʼkidlab, AQSh va NATOni bu borada yordamga chaqirdi, biroq hech qanday natija boʻlmadi.
“Biz Rossiyaning bunday harakat qilishiga yo‘l qo‘yolmaymiz. Ular bizni bombardimon qilmoqda, o‘qqa tutmoqda, raketalar, vertolyotlar, qiruvchi samolyotlar jo‘natmoqda”, – deydi Kiyev rahbari.
Shuningdek, u G‘arb davlatlarini Ukrainada urush to‘xtamasligidan ogohlantirgan. Erkinlikka qilingan hujum butun dunyoga ta’sir qilishi mumkin.
Avvalroq AQSh Kongressi aʼzolari Bayden maʼmuriyatiga NATO va Sharqiy Yevropadan Ukrainaga qiruvchi samolyotlarni zudlik bilan oʻtkazishga koʻmaklashish uchun bosim oʻtkazayotgani xabar qilingandi.
