Rossiyaga qarshi yangi sanksiyalar e’lon qilindi
Rus oligarxlari va Putinning ishonchli vakillariga nisbatan “bosim kampaniyasi” kuchaytiriladi.
Katta yettilik (AQSh, Kanada, Fransiya, Germaniya, Italiya, Yaponiya, Buyuk Britaniya) davlatlari Rossiyaga nisbatan sanksiyalar va boshqa bosimlar haqida qo‘shma bayonot bilan chiqishdi. Tegishli bayonot Oq uy saytida e’lon qilindi.
Xususan, G7 mamlakatlari Rossiya Federatsiyasidan energiya resurslariga qaramlikni kamaytirishga harakat qiladi. Shuningdek, Rossiya savdoda qulay davlat maqomidan va JSTda ishtirok etish imtiyozlaridan mahrum bo‘ladi.
Bayonotda, shuningdek, Rossiya elitasi, oligarxlari, prezident Putinning ishonchli vakillariga nisbatan “bosim kampaniyasi” davom etishi aytilgan.
Rossiyadan asosiy tovarlar va texnologiyalarning eksport-importiga cheklovlar joriy etishda davom etadi.
Shuningdek, urushni qo’llab-quvvatlovchi tashkilotlar yangi qarz va kapital investitsiyalariga kirish imkoniga ega bo'lmaydi.
