“Primadonna” konsertidagi holat o‘rganilishi ma’lum qilindi
Kuni kecha ijtimoiy tarmoqda Yulduz Usmonovaning muxlislar bilan ko‘pol muomala qilgani aks etgan video tarqalgandi.
Shu kunlarda O‘zbekiston xalq artisti Yulduz Usmonovaning navbatdagi konsert dasturi bo‘lib o‘tmoqda. Kuni kecha ijtimoiy tarmoqlarda xonandaning konsert jarayonida o‘z muxlislari bilan qo‘pol munosabatda bo‘lgani aks etgan video keng tarqaldi va hamon keskin tanqidlarga sabab bo‘lmoqda.
Iste’molchilar huquqlarini himoya qilish jamiyatlari federasiyasi Yulduz Usmonova konsertidagi hodisa sabab o‘rganish o‘tkazadi. Bu haqda ayni paytda Milliy matbuot markazida Iste’molchilar huquqlarini himoya qilish jamiyatlari federasiyasi mas’ullari ishtirokida bo‘lib o‘tayotgan matbuot anjumanida ma’lum qilindi, deya xabar qilmoqda “Darakchi.uz” sayti.
“Aniqlanishicha, hodisa 12-mart kuni kechki seansda bo‘lgan. Sahnadagi pardaning yarmi ko‘tarilmay qolgani uchun tomoshabinlardan e’tiroz bo‘lgan. Federasiya holat bo‘yicha “O‘zbekkonsert” bilan birga o‘rganish o‘tkazadi”, degan federatsiyasi rais o‘rinbosari Inomjon Tog‘ayev.
