Toshkentda Alisher Navoiy shohko‘chaci yopilmoqda
Bu haqda shahar hokimligi matbuot xizmati xabar berdi.
Ma’lum qilinishicha, 2022-yil 19-mart kuni soat 21:00 dan 20-mart kuni soat 06:00 ga qadar yo‘l ta’mirlash ishlari olib borilishi munosabati bilan poytaxtda Alisher Navoiy shoh va Labzak ko‘chalarining quyidagi qismlari vaqtincha yopiladi:
- Navoiy shoh ko‘chasi Abay ko‘chasi chorrahasidan Sharof Rashidov shoh ko‘chasi chorrahasigacha;
- Labzak ko‘chasi Alisher Navoiy shoh ko‘chasi bilan kesishmasidan Abdulla Qodiriy ko‘chasi bilan kesishmasigacha.
“Ushbu vaqt oralig‘ida haydovchilarga aylanma yo‘llardan foydalanish tavsiya etiladi”, deyiladi xabarda.
