Parkentlik ota aliment uchun o‘z uy-joyini berdi
Ma’lum qilinishicha, shu bilan ijro harakatlari tugatilgan.
Majburiy ijro byurosining Parkent tuman bo‘limi ish yurituvida bo‘lgan hujjatga ko‘ra, qarzdor otadan undiruvchi foydasiga 2 nafar farzandlarining moddiy ta’minoti uchun aliment pullari undirish ko‘rsatilgan.
Olib borilgan ijro harakatlari davomida qarzdor ota 2 nafar farzandlarining voyaga yetgunlariga qadar to‘lanishi lozim bo‘lgan 220 mln miqdoridagi aliment pullari evaziga o‘ziga tegishli bo‘lgan shu qiymatdagi uy-joyni undiruvchiga berishni ma’lum qilgan. Shundan so‘ng uy-joy farzandlarning onasi nomiga rasmiylashtirilgan.
Avvalroq Samarqandda qarzdor ota farzandlari uchun 260 mln so’m aliment to’lagani xabar qilingandi.
