Yevropaning Rossiya energiyasidan voz kechishi Kremlda vahima uyg‘otmoqda – Shols
Germaniya kansleri Yevropa davlatlarining energiya sohasida to‘liq mustaqil bo‘lishi uchun qancha vaqt ketishini aytdi.
Yevropa Ittifoqi davlatlarining Rossiyadan neft, gaz va ko‘mir sotib olishni keskin to‘xtatayotgani Federasiya hukumatida vahima uyg‘otmoqda. Germaniya kansleri Olaf Sholsning aytishicha, energiya sotish Kreml uchun juda muhim.
Nemis siyosatchisi Olaf Shols Bryusselda bo‘lib o‘tgan sammitda Yevropaning energiya sohasida butunlay mustaqil bo‘lishi uchun besh yil vaqt ketishini taxmin qilgan.
Germaniya shu yil oxirigacha Rossiyadan neft va ko‘mir import qilishni to‘xtatishi kerak. Biroq gazdan voz kechish ko‘p vaqt talab etadi. Iqtisodiyot vaziri Xabekning so‘zlariga ko‘ra, bu jarayon kamida 2024 yilning o‘rtalarigacha davom etadi.
Hozirda AQSH Yevropa Ittifoqiga suyultirilgan gaz yetkazib berish hajmini oshirishni rejalashtirmoqda. Kelishuvdan maqsad Yevropa Ittifoqining Rossiya tabiiy gaziga qaramligini kamaytirishdir.
