Istanbulda Rossiya-Ukraina o'rtasidagi muzokaralarining birinchi kuni yakunlandi
Ukraina tomonidan berilgan takliflar Rossiya hukumati tomonidan ko'rib chiqiladi va javobi rahbariyatga yetkaziladi — Vladimir Medinskiy.
Istanbulda Rossiya va Ukraina delegatsiyalari o'rtasidagi muzokaralarining birinchi kuni yakunlandi, deb xabar bermoqda Habertürk telekanali.
Rossiya delegatsiyasi rahbari, prezident yordamchisi Vladimir Medinskiy aytishicha, yuzma-yuz muloqot konstruktiv o'tgan.
"Ukraina tomoni bilan muzokaralar nihoyasiga yetdi. Muzokaralar konstruktiv o‘tdi. Rossiya delegatsiyasi Istanbulda Ukraina tomonidan aniq shakllantirilgan pozitsiya va takliflarni oldi, ular oʻrganilib, mamlakat rahbariyatiga yetkaziladi",- deydi siyosatchi.
Medinskiy ta'kidlaganidek, Rossiya Ukrainaga vaziyatni yumshatish uchun qadam tashlamoqda. Unga ko'ra, shartnoma tezda ishlasa va murosa topilsa, tinchlik o'rnatish imkoniyati yanada yaqinlashadi. Ma'lumot uchun: tomonlar o'rtasidagi Dolmabaxche saroyida bo'lib o'tgan uchrashuv uch soatdan ortiq davom etdi.
