Men gapirgan gapimni qaytarib olmayman — Jo Bayden
AQSh yetakchisi Putin haqidagi gaplari uning shaxsiy fikri ekani va bu Vashingtoning pozitsitasi emasligini bildirdi.
AQSh prezidenti Jo Bayden Rossiya prezidenti Vladimir Putinga nisbatan aytgan soʻzlarini qaytarib olmaganini aytdi, lekin bu bayonotlar faqat uning shaxsiy fikri va Vashington siyosatiga bog'liq emasligini taʼkidladi.
"Men rad etmayman. Putin muammolarni qanday hal qilayotgani va bu shaxsning xatti-harakatlaridan g'azabimni bildirdim", dedi Bayden jurnalistning Rossiya rahbari haqida aytganidan afsuslanasizmi, degan savoliga javob berib.
"Ammo men buni aniq aytmoqchiman: o'sha paytda ham, hozir ham siyosiy pozitsiyamni o'zgartirmayapman. Men g'azabimni bildirdim, buni siyosiylashtirmayman. Bu mening shaxsiy his-tuyg'ularim", - dedi Amerika prezidenti.
Bayden 26-mart kuni Varshavada qilgan chiqishida Rossiya rahbariyatini Ukrainadagi xatti-harakatlari uchun yana bir bor tanqid qildi va "Putin hokimiyatda qola olmaydi”, dedi.
Keyinchalik AQSh ma'muriyati Amerika prezidentining so'zlarini tushuntirib, u Rossiyada hokimiyat o'zgarishiga intilish niyatida emasligiga ishontirdi.
Kreml allaqachon Baydenning so'zlaridan xavotir bildirgan. "Bu bayonot, albatta, xavotir uyg'otadi. Biz AQSh prezidentining bayonotlarini diqqat bilan kuzatishda davom etamiz. Rossiyada kim hukumat tepasida bo'lishini Bayden hal qilmaydi", - dedi dushanba kuni Rossiya prezidenti matbuot kotibi Dmitriy Peskov.
