Blinken Rossiyani neft va gazdan siyosiy qurol sifatida foydalanishda aybladi
Avvalroq Yevroittifoq 2027-yilga qadar Rossiya energetikasiga qaramlikdan qutulishni maqsad qilgandi.
Ukrainadagi vaziyat butun dunyoda oziq-ovqat va energetika yetishmovchiligiga sabab bo‘ldi. Bu haqda AQSH davlat kotibi Entoni Blinken maʼlum qildi. Davlat kotibi bu haqda Marokashning Medi1 TV telekanaliga bergan intervyusida aytgan. Uning fikricha, Ukraina atrofidagi vaziyatning taʼsiri butun dunyoga sezilmoqda.
“... bizda oziq ovqat yetkazib berish bilan bog‘liq muammolar vujudga keldi, bu ayniqsa, bug‘doy eksportiga taalluqli”, – degan Blinken.
Diplomatning so‘zlariga ko‘ra, yana bir muammo energetikada vujudga kelgan.
“Yevropa Rossiya neft va gazi importini diversifikatsiya qilish g‘oyasiga jiddiy eʼtibor qaratmoqda. Chunki, Moskva ulardan siyosiy vosita sifatida foydalanmoqda”, – deb qo‘shimcha qilgan u.
Avvalroq Yevroittifoq 2027-yilgacha Rossiya gazidan xalos bo‘lmoqchiligi to‘g‘risida xabar berilgandi.
