O‘zbekistonda Ramazon oyi 2-apreldan boshlanadi
Bu haqda Prezident qarori qabul qilindi.
O‘zbekiston Respublikasi Prezidenti “Muborak Ramazon oyini munosib tarzda o‘tkazish to‘g‘risida”gi qarorini imzoladi. Unga ko‘ra, 2022-yilgi muborak Ramazon oyining boshlanishi 2-aprel kuniga to‘g‘ri kelishi haqidagi O‘zbekiston musulmonlari idorasining axboroti ma’lumot uchun qabul qilingan.
O‘zbekiston musulmonlari idorasi Ulamolari Kengashi tomonidan Islom dini manbalari va astronomik ma’lumotlarga tayangan holda 2022-yilda Ramazon oyining birinchi kuni shu yil 2 aprel, shanba kuniga to‘g‘ri kelishi haqida xulosa qilingan.
Avvalroq Toshkentda tarovih namozlari 1-apreldan boshlab o‘qilishi ma’lum qilingandi.
