Ertaga Toshkentning ayrim ko’chalari bir soatga yopiladi
Bu haqda shahar hokimligi ma’lum qildi.
2 aprel kuni 19-motomavsum ochilishi munosabati bilan o‘tkaziladigan motosayyohlarning tantanali yurishi paytida poytaxtdagi bir necha ko‘chalar soat 12:00 dan 13:00 gacha yopiladi:
– Novza metrosidan Bunyodkor shoh ko‘chasi bo‘ylab Bunyodkor va Alisher Navoiy shoh ko‘chalari kesishmasigacha;
– Alisher Navoiy va Bunyodkor shoh ko‘chalari kesishmasidan Alisher Navoiy shoh ko‘chasi bo‘ylab Sharof Rashidov ko‘chasigacha;
– Alisher Navoiy shoh ko‘chasi va Sharof Rashidov ko‘chasi kesishmasidan shu ko‘cha bo‘ylab Afrosiyob ko‘chasigacha;
– Afrosiyob ko‘chasidan shu ko‘cha bo‘ylab Bunyodkor metro bekatigacha.
“Noqulayliklar uchun uzr so‘raymiz”, deyiladi racmiy xabarda.
