Qashqadaryoda 17 yoshli maktab o‘quvchisi o‘zini osib qo‘ydi
Prokuratura tomonidan tergov harakatlari boshlangan.
22-mart kuni Nishon tumani “Oydin” mahallasida yashovchi 17 yoshli qiz o‘zini osib qo‘ygan. Bu haqda “Nasafnews” axborot sayti xabar berdi.
Qiz o‘z yashash uyining ichki xonasi ustunlariga arqon ip bilan o‘zini-o‘zi bo‘yin sohasidan osib, voqea joyida vafot etgan.
Ma’lum bo‘lishicha, marhuma tumandagi 18-sonli maktabning 10-sinf o‘quvchisi bo‘lgan. O‘limidan oldin ota-onasi yoki qo‘ni-qo‘shnilari bilan janjallashmagan. Uning ruhiyatida o‘zgarish bo‘lgan.
Hozirda holat yuzasidan Nishon tumani prokuraturasi tergovga qadar tekshiruv harakatlari o‘tkazmoqda.
Avvalroq Samarqandda talaba qiz o’zini yuqori qavatdan tashlagani xabar qilingandi.
