Namanganda aholi mablag‘lari bilan yangi masjid qurildi
Masjid 1,5 ming nafar odamga mo‘ljallangan.
To‘raqo‘rg‘on tumanida "Kamolxon Eshon Buva" jome masjidi Namangan viloyat adliya boshqarmasidan davlat ro‘yxatidan o‘tkazilib, guvohnoma topshirildi.
Ma’lum qilinishicha, masjid zamonaviy shaharsozlik talablari asosida qurib bitkazilgan bo‘lib, unda tashrif buyuruvchilar uchun barcha qulayliklar mavjud. Masjid 1500 ming nafar odamga mo‘ljallangan bo‘lib, hudud aholisi va mahalliy homiylar mablag‘lari evaziga qurib bitkazilgan.
Ma’lumot o‘rnida, 2022-yil 1-aprel holatida, viloyatda jami 194 ta diniy tashkilotlar mavjud bo‘lib, shundan 190 tasi masjidlar, 3 tasi cherkovlar va 1 tasi Musulmonlar idorasining viloyat vakilligi hisoblanadi.
