NATOning vazifasi maslahat berish emas — Yens Stoltenberg
Ittifoq bosh kotibi Ukrainaga harbiy qo‘shin yuborilmasligini ma’lum qildi.
Shimoliy Atlantika alyansi hali ham Ukrainaga o‘z qo‘shinlari va havo kuchlarini yuborishni rejalashtirmayapti. Bu haqda NATO bosh kotibi Yens Stoltenberg Bryusselda bo‘lib o‘tgan matbuot anjumanida ma’lum qildi
“Ittifoqchilar Ukrainaga NATO qo‘shinlarini yubormaslik va alyans samolyotlarini Ukraina havo hududiga jo‘natmaslikka rozi”, — degan Stoltenberg.
Uning ta’kidlashicha, alyans bu pozisiyaga amal qiladi, chunki u Rossiya va NATO o‘rtasidagi urushning oldini olish uchun javobgardir.
NATO ittifoqchilarining tashqi ishlar vazirlari 6-7 aprel kunlari bo‘lib o‘tadigan uchrashuvda Ukrainaga yana qanday yordam ko‘rsatishi mumkinligi, shuningdek, Rossiyaga qarshi keyingi choralarni muhokama qiladi.
Stoltenbergning aytishicha, NATOning vazifasi Ukrainaga yordam berish, qanday bitimlar tuzish haqida maslahat berish emas.
“Maslahat berish men uchun emas, balki mening vazifam va NATOning vazifasi Ukrainani qo‘llab-quvvatlashdir. Qaysi tinchlik kelishuvlari qabul qilinishini Ukraina rasmiylari, prezident Zelenskiy va Ukraina xalqi hal qiladi”,— deya qo‘shimcha qildi NATO Bosh kotibi.
