Samarqandda yangi bog‘ barpo etiladi
Uning qurilishi 1 aprelda boshlangan.
Samarqand shahar hokimligi maʼlum qilishicha, 2021 yil oktyabr oyida A.Jomiy ko‘chasidagi piyodalar yo‘lini taʼmirlash ishlari “Tolib bobo” MCHJ tomonidan amalga oshirilgan bo‘lib, ko‘chaning Bobur Mirzo ko‘chasi kesishmasigacha bo‘lgan qismi loyihada ko‘zda tutilgan ishlarning ayrimlari amaldagi holat bilan farq qilgan. Shuningdek, “Konfutsiy maydoni"ga hamohang tarzda "Mirzo Ulug‘bek bog‘i" barpo etilishi loyihasi doirasida, ushbu piyodalar yo‘lagi arxitektura va shaharsozlik talablari hamda dizayni asosida “Tolib bobo” MCHJ hisobidan tartibga keltirilishi nazarda tutilgan.
Bu ishlar kuz-qish mavsumi yakunlanishi hamda "Mirzo Ulug‘bek bog‘i"ni tashkil etilishi loyihasini amalga oshirilishi jarayonida to‘g‘rilanishi reja qilingan bo‘lib, joriy yilning 1 aprelidan boshlandi va ishlar qisqa muddatda yakunlanadi.
Shu o‘rinda, qurilish va obodonlashtirish ishlari boshlab yuborilgan yangi "Mirzo Ulug‘bek bog‘i"ga to‘xtalsak. Bog‘da aholi, ayniqsa, talabalar hamda turistlarga mo‘ljallangan madaniy hordiq chiqarish uchun sharoit qilinadi va turli xil manzarali daraxtlar, rang-barang gullar ekilib, turizm shahriga mos keladigan tungi yoritish chiroqlari hamda shinam o‘rindiqlar joy oladi.
Avvalroq SamDTI universitet maqomini olgani to‘g‘risida xabar berilgandi.
