Buyuk Britaniyada harbiy bazadan katta miqdorda dizel “uxlatildi”
Oqibatda desant kemasi yoqilg‘isiz qolgan.
Buyuk Britaniyada jinoyatchilar bir necha hafta davomida harbiy kemalar uchun ajratilgan dizelni o‘g‘irlagan. Bu haqda The Sun xabar berdi.
Hodisa Plimut portida sodir bo‘lgan. jinoyatchilar Bir qancha urinishlardan so‘ng 250 ming funt-sterling (326 ming dollar) qiymatli yoqilg‘ini olib chiqib ketgan. Bu dizel HMS Bulwark desant kemasi uchun mo‘ljallangan bo‘lgan.
“Kemaning shunchaki himoyasiz va nozik holatda qoldirilgani – tahqirli holat”, – deb qayd etadi The Sun.
Nashrning yozishicha, o‘ta kuchli qo‘riqlash obyektidan katta hajida dizelning “o‘marilishi” mudofaa vazirligi rahbariyatini noqulay vaziyatga soladi.
Hodisa Britaniyada yoqilg‘i narxi keskin ko‘tarilgan bir vaqtda yuz berdi.
Avvalroq Kurdiston Yevropaga neft sotmoqchi ekanligi to‘g‘risida xabar berilgandi.
