Chimkentda g‘oyib bo‘lgan ayolning jasadi kanaldan topildi
Qutqaruvchilar ikki kun davomida qidiruv ishlarini olib borishgan.
10-aprel kuni soat 22:08 atrofida Enbekshi tumani, Jilan Buzgan qishlog‘ida yashovchi 1977-yilda tug‘ilgan fuqaro uydan chiqib ketib, qaytib kelmagan. Qarindoshlari uni vafot etgan deb taxmin qilishgan va Favqulodda vaziyatlar departamentiga xabar berishgan.
“Hodisa joyiga yetib kelgan tezkor-qutqaruv otryadi va kinologiya xizmati xodimlari qishloq yaqinidan oqib o‘tuvchi irrigasiya kanalida qidiruv ishlarini olib borishdi. Kanalning kengligi 3 metr, chuqurligi 2-2,5 metr. Qidiruv ishlari natijasida 11-aprel kuni soat 12:15 da suvdan ayol kishining jasadi topilib, olib chiqildi”, — deyiladi Chimkent shahar IIB jamoatchilik bilan aloqalar guruhi xabarida.
Voqea joyida Chimkent shahar Favqulodda vaziyatlar boshqarmasi tezkor-qutqaruv guruhining 11 nafar xodimi, 2 ta texnika va 1 ta kinologik guruh ishlagan. Ularga Ichki ishlar bo‘limining 10 nafar xodimi, 30 nafarga yaqin qishloq aholisi 3 birlik texnika bilan yordam bergan.
