Hafta o‘rtalarida issiq havo to‘lqinlari yana qaytadi
Mart oyidagi tinimsiz yog‘inli kunlar ortidan, aprel oyining kutilmaganda quruq bo‘lishiga olib keldi.
O‘zgidromet 13-15 aprel kunlari respublika hududlarida yana issiq harorat kuzatilishini prognoz qilmoqda.
Hafta boshidagi biroz salqin havo (aslida, bu havo ham mavsum uchun meʼyoriy haroratdan yuqori) ortidan, 13 apreldan kunlar yana isib boradi.
Shimolda harorat maksimumlari +33 darajagacha, janub viloyatlarda +38 darajagacha ko‘tariladi. Bu kunlari joylarda yog‘ingarchilik kutilmaydi.
Gidrometerologik tatqiqotchi E.Abdulahatovning aytishicha, mart oyidagi tinimsiz yog‘inli kunlar ortidan, aprel oyining kutilmaganda quruq bo‘lishiga olib keldi. Mana, oyning yarmi ham o‘tyaptiki, respublikamizda mavsumga xos bo‘lmagan issiq va quruq yog‘insiz ob-havo kuzatilmoqda. Biz bu yil yomg‘irli komfort ob-havoga ega aprel oyini ‘yo‘qotib‘ qo‘ydik. Aprel oyining ikkinchi yarmida ham quruq va kam yog‘inli davr davom etishi mumkin. Chunki g‘arbdan mintaqaga kirib keladigan va ayni mavsum maydalab ko‘p yog‘in beradigan nam havo massalaridan darak yo‘q.
