Yangiyer shahrida “Sport majmuasi”ga tegishli yer maydoni sotib yubormoqchi bo‘lgan shaxs ushlandi
Hozirda fuqaroga nisbatan jinoyat ishi ochilgan.
Yangiyer shahrida “Sport majmuasi” qurish uchun ajratilgan yer maydonining noqonuniy sotilishini oldi olindi, deya xabar bermoqda Iqtisodiy jinoyatlarga qarshi kurashish departamenti axborot xizmati.
Ma’lum qilinishicha, Departamentning Sirdaryo viloyati boshqarmasi hamda Yangiyer shahar bo‘limi tomonidan o‘tkazgan tezkor tadbirda, fuqaro Sh.N. o‘ziga “Shodlik” MFY hududida “Sport majmuasi” qurish uchun ajratilgan 18 sotix yer maydonini boshqa bir fuqaro Sh.ga firibgarlik yo‘li bilan 70 mln so‘mga sotishga kelishib, ushbu pullarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
