Samarqandda 1000 dollarlik qabrtosh o‘g‘irlab ketildi
O‘g‘rilar qo‘lga olinib, ularga nisbatan jinoyat ishi ochilgan.
Samarqandda 1000 dollarlik qabrtoshi o‘g‘irlab ketildi. Bu haqda IIV huzuridagi Tergov departamenti xabar bermoqda.
Qayd etilishicha, joriy yilning 23-martdan 24-martga o‘tar kechasi Samarqand tumani “Yagona” ko‘chasida joyashgan “Talibarzu” qabristoni hududida “Gravit Travertine Mramor” MCHJga tegishli bir dona qabrtoshi noma’lum shaxslar tomonidan o‘g‘irlab ketilgan. IIBga kelib tushgan arizaga ko‘ra, uning o‘lchami 70/170 cm bo‘lib, narxi 1000 AQSH dollariga baholangan.
Tezkor-qidiruv tadbirlarida mazkur o‘g‘irlikni Samarqand tumanida yashovchi 18, 20 va 27 yoshli fuqarolar sodir etgani aniqlangan va “granit gabro” nomli tosh ashyoviy dalil tariqasida tegishli tartibda rasmiylashtirib olingan.
Hozirda mazkur holat yuzasidan O‘zbekiston Respublikasi Jinoyat kodeksning 169-moddasi 2-qismi “v” bandi (o‘g‘irlik) bilan jinoyat ishi qo‘zg‘atilgan.
