Avtomobilning old o‘rindig‘idagi yo‘lovchi xavfsizlik kamarini taqishi majburiy bo‘ladi
Qarorga ko‘ra, ushbu tartib 1-maydan kuchga kiradi
Hukumat qarori bilan tasdiqlangan yangi yo‘l harakati qoidalariga binoan , avtomobilning old o‘rindig‘idagi yo‘lovchi xavfsizlik kamarini taqishi majburiy bo‘lishini maʼlum qilindi. Bu haqda Adliya vazirligi axborot xizmati xabar berdi.
Quyidagi shaxslarga xavfsizlik kamarini taqmaslikka ruxsat beriladi:
— homilador ayollar, ahvoli xavfsizlik kamarini taqishga imkon bermaydigan kasal yo‘lovchilar (tibbiy maʼlumotnoma bilan);
— 12 yoshgacha bo‘lgan bolalar avtomobilning orqa o‘rindig‘ida;
— haydovchilar va yo‘lovchilar, mayoqlar o‘rnatilgan va tashqi yuzasida tegishli rang sxemalari bosilgan maxsus yozuvli maxsus transport vositalari;
— talaba transport vositasini boshqarayotganda avtotransport yoki shahar elektr transporti vositalarini boshqarish bo‘yicha amaliy mashg‘ulotlar o‘qituvchisi.
Shu bilan birga, Ichki ishlar vazirligiga 7 yoshgacha bo‘lgan bolalarni maxsus bolalar o‘rindig‘ida, 7 yoshdan 12 yoshgacha bo‘lganlarni maxsus ushlab turuvchi moslamali xavfsizlik kamarini taqqan holdan tashish bo‘yicha chora-tadbirlarni amalga oshirish topshirilgan.
