Le Pen prezidentlikka saylansa, Fransiyani NATO qo‘mondonligi tarkibidan chiqarishga va’da berdi
Fransiya hech qanday aloqasi bo‘lmagan qo‘mondonlikka bo‘ysunmasligi kerak, degan u.
Fransiya prezidentligiga “Milliy ralli” partiyasidan nomzod Marin Le Pen, agar saylansa, mamlakatni NATO qo‘mondonlik tuzilmalaridan chiqarishini va fransuz qo‘shinlarini YeI umumiy qo‘mondonligi ostiga o‘tkazish niyatida emasligini aytdi.
Le Pen, shuningdek, agar Yevropa Ittifoqi umumiy harbiy qo‘mondonlikka ega bo‘lsa, fransuz qo‘shinlarini u yerga o‘tkazishga qarshi ekanligini ham aytgan.
"Bizning qurolli kuchlarimiz Fransiyaga hech qanday aloqasi bo‘lmagan qo‘mondonlikka bo‘ysunmasligi kerak. Bu NATO qo‘mondonligiga ham, Yevropa qo‘mondonligiga ham tegishli", - deydi u.
Le Pen Yevropa Ittifoqi haqida gapirar ekan, uni “ichkaridan isloh qilish” zarur deb bilishini ta’kidladi va agar u hokimiyat tepasiga kelsa, Fransiyaning ushbu integratsiya uyushmasidan chiqishiga intilmaslikka va’da berdi.
U BMT Xavfsizlik Kengashini isloh qilishni yoqlab, unda "Hindiston, Afrika davlati, keyinroq Lotin Amerikasi mamlakati" ga doimiy o'rin berish g'oyasiga qaytishni taklif qildi.
Shu bilan birga, Le Pen Fransiyaning Germaniya bilan hamkorligini tanqid qildi, chunki uning fikricha, Parij va Berlin ko‘p sohalarda turli manfaatlarga ega. U, shuningdek, Germaniyaning BMT Xavfsizlik Kengashining doimiy aʼzosi boʻlishiga qarshi chiqdi.
