AQSH Kiyevga yuqori martabali amaldorni jo‘natishi mumkin
U Zelenskiy bilan uchrashadi
Vashington Kiyevga prezident administratsiyasining yuqori martabali amaldorini yuborish variantini ko‘rib chiqmoqda. Bu haqda Politico gazetasi xabar berdi.
Ukrainaga boradigan amaldor Zelenskiy bilan uchrashadi. Gazeta suhbatlashgan ikki mansabdorning so‘zlariga ko‘ra, tashrif bilan boradiganlar orasida prezident Jozef Bayden, vitse-prezident Kamala Xarrislar ham bor. Ammo katta ehtimol bilan Kiyevga vazirlardan biri, davlat kotibi Entoni Blinken yoki mudofaa vaziri Lloyd Ostinlardan biri uchib ketadi.
Nashr manbalarining qo‘shimcha qilishicha, ushbu tashrif xavfsizlik nuqtayi nazaridan oldindan eʼlon qilinmaydi. Shu bilan birga Ukrainadagi harbiy vaziyatga qarab Amerika rasmiylari umuman kelmasligi ham mumkin.
Avvalroq Boris Jonson Ukrainaga borgani to‘g‘risida xabar berilgandi.
