Bayden faoliyatiga ishonch keskin pasayib ketdi
Prezident siyosatini 41 foiz amerikalik ma’qullagan.
Jozef Baydenning reytingi rekord darajada tushib ketdi. Bu haqda CNN xabar berdi.
Telekanalning so‘rovnomalar tahliliga asosan bergan ma’lumotlariga ko‘ra, hozirda uni 41 foiz, ayrim ma’lumotlarga ko‘ra, 33 foiz amerikaliklar qo‘llab-quvvatlamoqda. So‘rovnoma to‘rt tashkilot tomonidan o‘tkazilgan.
“Haqiqatdan ham o‘ta yomon ko‘rsatkich”, – degan CNN muxbiri.
Qo‘shimcha qilinishicha, Donald Tramp faoliyati prezidentligining huddi shu bosqichida 42 foiz fuqarolar tomonidan ma’qullangan.
“Uch yoki to‘rt so‘rovnoma natijalariga ko‘ra, prezidentga ishonchning bu darajada pasayib ketishi bizning qarshimizda juda katta muammolarga ega rahbar borligini ko‘rsatadi”, – deb qo‘shimcha qilgan telekanal.
Avvalroq Bayden AQSHda noqonuniy tayyorlangan qurollar savdosini cheklagani to‘g‘risida xabar berilgandi.
