“Shenjou 13” ekipaji Xitoy kosmik stansiyasidan Yerga qaytdi
Fazogirlar 6 oy davomida koinotda bo’lgan.
Xitoyning “Shenchjou-13” kosmik kemasi ekipaji Tyangon milliy orbital stansiyasidan uzoq parvozdan so‘ng muvaffaqiyatli qo‘ndi. Bu haqda “Interfax” xabar berdi.
Kema Xitoy shimolining Ichki Mo‘g‘uliston avtonom viloyatidagi Dongfeng poligoniga qo‘ndi. Stansiyadan tushirish 15-aprel kuni amalga oshirilgan, shuning uchun parvoz taxminan to‘qqiz soat davom etgan.
Kema ekipaji tarkibida Chjay Chjigang, Ye Guangfu va ayol taikonavt Van Yaping parvoz qilgan. Fazogirlar Tiangong stansiyasiga 2021-yil 16-oktabrda chiqishgan va olti oy u yerda vazifalarini bajargan, bu Xitoy kosmik tarixidagi eng uzun missiyasiga aylandi.
Stansiyada bo'lishlari davomida taykonavtlar stansiya tashqarisida jihozlarni o'rnatish va sozlashni o'z ichiga olgan barcha vazifalarni bajarishgan.
Eslatib o’tamiz, avvalroq “SpaceX” Xalqaro kosmik stansiyaga sayyohlarni yuborishini ma’lum qilgan.
