Kolumbiyada yirik narkobaronlardan biri qo‘lga olindi
U mamlakatning eng xavfli jinoyatchilaridan bo‘lgan.
Kolumbiyada harbiylar va politsiyachilar tomonidan “Ko‘rfaz to‘dasi” narkoguruhi rahbarlaridan biri qo‘lga olindi. Bu haqda mamlakat mudofaa vaziri Diyego Molano maʼlum qildi.
Gap Faustio Palasios haqida ketmoqda. Molanoning so‘zlariga ko‘ra, u qidiruvdagi eng ashaddiy jinoyatchilardan bo‘lgan. Kolumbiya harbiy-dengiz kuchlarining maʼlum qilishicha, Palasios 2012 yilda “Ko‘rfaz to‘dasi”ga kirgan. 2016 yilda u narkoguruhning bo‘linmalaridan biriga jo‘natilgan, 2021 yilda esa uning qurolli qanoti rahbariga aylangan.
“Ko‘rfaz to‘dasi” 1.5 mingga yaqin jinoyatchini birlashtirgan. Ularning katta qismini konservativ qarashlarga ega bo‘lgan isteʼfodagi harbiylar tashkil etgan. Uning rahbari Dairog Antonio Usuga bo‘lgan. U uzoq yillar davomida Kolumbiyaning eng ashaddiy qidiruvdagi jinoyatchilaridan bo‘lgan. O‘tgan yilning 23 oktyabrida Usuga qo‘lga olinadi.
Avvalroq O‘ta xavfli jinoyatchi Google Maps sababli qo‘lga olingani to‘g‘risida xabar berilgandi.
