Kobulda maktablar yonida bir necha portlash sodir bo‘ldi
Hodisa shahar g‘arbida yuz bergan.
Kobuldagi bir necha portlash oqibatida 25 kishi halok bo‘ldi. Bu haqda Aamaj News agentligi xabar berdi.
Unga ko‘ra, ayniqsa, shahar g‘arbidagi Abdul Rahim maktabi yonidagi portlashlar oqibatida ko‘p qurbon berilgan.
Kobul xavfsizlik idoralari vakili Xolid Zadronning so‘zlariga ko‘ra, shahar g‘arbida jami 3 ta portlash qayd etilgan. Ularning barchasi taʼlim muassasalarida bo‘lgan.
Agentlikning taʼkidlashicha, toliblar hodisaning OAVda yoritilishiga xalal bergan. Ular muxbirlar qo‘lidan kameralarni tortib olgan.
