0
Jizzaxdagi kuchli sel oqibatida 4 kishi halok bo‘ldi
Viloyatdagi sel oqibatlari bo‘yicha FVV ma’lumot berdi.
Bugun, 20 aprel kuni kuzatilgan kuchli yog‘ingarchiliklar oqibatida Jizzax viloyatining Baxmal, Forish, Gʻallaorol va Sh.Rashidov tumanlarida sel oqimlari yuzaga keldi. Holat yuzasidan FVV rasmiy izoh berdi.
Dastabki ma’lumotlarga ko‘ra, ayrim aholi yashash joylari, ijtimoiy soha ob’yektlari va ekin maydonlari sel oqimidan zararlangan. Bundan tashqari, Forish tumanida yashovchi 4 nafar fuqaro (1 nafar erkak, 3 nafar ayol) sel oqizib ketishi oqibatida halok bo‘lgan.
Ayni paytda viloyat Favqulodda vaziyatlar boshqarmasi va uning hududiy bo‘lim xodimlari tomonidan yog‘ingarchilik oqibatlarini bartaraf etish ishlari olib borilmoqda.
