Rossiya kemalarining AQSH portlariga kirishi taqiqlandi
Bundan avval YI ham shunday qaror qabul qilgandi.
AQSH prezidenti Jo Bayden Rossiyaga aloqador kemalarning AQSH portlariga kirishi taqiqlanishini aytdi.
“Bugun men AQSH Yevropada ilgari qilinganidek, Rossiya bilan aloqador kemalarni portlarimizda harakatlanishi taqiqlashini e’lon qilaman”, — degan prezident.
Bu Rossiya bayrog‘i ostidagi bironta ham kema AQSH portiga kela olmasligini anglatadi.
Avvalroq YI davlatlari tomonidan ham xuddi shunday choralar ko‘rilgan. Shu bilan birga, ular istisnolar ro‘yxatini ham taqdim etgan. Unga ko‘ra, bu taqiq qishloq xo‘jaligi mahsulotlari va energiya mahsulotlarini yetkazib berishga taalluqli emas.
