Namanganda bedarak yo‘qolgan 15 yoshli bola topildi
U salkam bir oy avval uyidan chiqib ketib, qaytib kelmagan.
Bedarak yo‘qolgan bola oilasiga qaytarildi, deya xabar bermoqda Namangan viloyati IIB axborot xizmati.
Ma’lum qilinishicha, Namangan shahrida yashovchi 15 yoshli bola joriy yilning 28-mart kuni soat 08.00 atrofida uyidan chiqib ketib, qaytib kelmagan. Viloyat IIB xodimlari tomonidan olib borilgan surishtiruv harakatlari davomida bedarak yo‘qolgan bola 21-aprel kuni Namangan shahridagi “Chorsu dehqon bozori” hududidan topilgan. Hozirda u shahar prokuraturasiga topshirilgan.
Eslatib o‘tamiz, avvalroq Samarqand viloyatida 17 yoshli qiz oilasidagi o‘zaro kelishmovchilik sabab uyidan chiqib ketib, qaytib kelmagani xabar qilingandi.
Javohirbek TURSUNOV
