Sirdaryoning ayrim hududlarida gaz ta’minoti vaqtincha to‘xtatiladi
Bu haqda viloyat hokimligi ogohlantirish bilan chiqdi.
Sirdaryo shahriga yo‘naltirilgan yuqori bosimli D-219 mm gaz quvurida ta’mirlash ishlari olib boriladi. Shu munosabat bilan Sirdaryo tumanining “Bahor”, “Yoshlik”, “Ulug‘bek”, “Ziyokor” va “Paxtakor” mahallalarida 25-aprel kuni soat 8:00 dan 17:00 ga qadar tabiiy gaz ta’minoti vaqtincha to‘xtatiladi.
“Hududgaz Sirdaryo” gaz ta’minoti filiali noqulayliklar uchun aholimiz va gaz iste’molchilaridan uzr so‘raydi”, — deyiladi rasmiy xabarda.
Eslatib o‘tamiz, avvalroq Samarqand tumanida 13 nafar ayol xonadonlarida gaz yo‘qligidan norozilik bildirib, ko‘chalarni to‘sib qo‘ygani xabar qilingandi.
