Toshkentda daladagi qoramollar “Mercedes”da o‘g‘irlab ketildi
Holat yuzasidan viloyat IIB YHXB ma’lumot berdi.
23 aprel kuni Toshkent viloyati Piskent tumanidagi dala maydonidan qarovsiz qoldirilgan 2 bosh qoramol o‘g‘irlab ketildi. Bu haqda viloyat IIB YHXB axborot xizmati xabar berdi.
Qayd etilishicha, o‘g‘rilikni sodir etgan 3 nafar shaxs 30 daqiqa ichida Nurafshon shahri hududida daliliy ashyo bilan qo‘lga olingan. Ular bozor narxi 15 mln so‘m bo‘lgan ona-bola sigirni “Mercedes-Benz Sprinter” rusumli avtomobilga ortib, hodisa joyidan yashiringan bo‘lgan.
Hozirda holat yuzasidan Jinoyat kodeksining 169-moddasi 2-qismi “v” bandi bilan jinoyat ishi qo‘zg‘atilgan.
