Ukrainada harbiy mojaro boshlanganiga ikki oy to‘ldi

Ukraina ikki oydirki, urush girdobida qolmoqda. 24-fevral kuni boshlangan Rossiyaning "maxsus operasiyasi" hamon davom etmoqda. 

 

O‘tgan 61 kun mamlakat butunlay vayron bo‘ldi, iqtisodiyot tamoman izdan chiqdi. Shu bilan birga, Ukrainaning turli chekkalarida og‘ir gumanitar inqiroz vujudga keldi.  Zamon.uz so‘nggi ikki oyda harbiy mojaro aks etgan suratlarni jamladi.

Urushning dastlabki kunida olingan surat. Chuguyev, 2022-yil 24 fevral.

Chuguyevlik ayolning surati "Ukraina urushi yuzi" deb tan olindi. Ushbu ayol tasviri fevral oxirida butun dunyoda tarqalib ketadi.

Irpen shahrida uyi yonayotgan ayol. 2022 yil 4 mart.

Qizi bilan xayrlashayotgan ota. 2022 yil 7 mart, Odessa. Ukrainada umumiy harbiy safarbarlik e’lon qilingan. Shu tufayli erkaklarning mamlakatdan chiqishi taqiqlangan.

 

Uyi vayron bo‘lgan ayol. Kiyev, 2022 yil 18 mart

Mariupol, 2022 yil 20 mart

Urush oqibatida Polshaga ketayotgan bolakay. BMT ma’lumotlariga ko‘ra, 24 fevraldan keyin 3 milliondan ortiq ukrainalik mamlakatni tark etib, Polshaga borgan. 2022 yil 23 mart

Mariupolda vayron bo‘lgan maktab xonasi. 21 aprel kuni Rossiya shaharni nazoratga olganini ma’lum qildi. Surat 29 mart kuni olingan.

Vladimir Zelenskiy Rossiya qo‘shinlari tark etgan Bucha shahrida. Bu yerda ko‘plab tinch aholi jasadlari aniqlandi. Tomonlar ushbu hodisada bir-birini ayblamoqda. 2022 yil, 3 aprel

Kiyevdan shimoldagi Borodyanka aholi punkti. 2022 yil 6 aprel

 

Rossiya qo‘shinlaridan ozod qilingan Chernigov viloyatidagi Lukashivka qishlog‘i. 2022 yil 10 aprel.

 

Vladimir Zelenskiy Kiyev metrosida uyushtirgan matbuot anjumanida. 2022 yil 23 aprel